O 24 de abril de 2021, despois do funeral de José Paz en A Corna, un grupo das súas amizades reuniuse para honrar a súa memoria e preservar o seu legado. Daquela xuntanza xurdiu a Asociación Paz Tagore. Dende aquel día adquirimos o compromiso de manter as actividades sociais e educativas que José Paz realizaba e sufragaba en Santiniketan (India), e facer todo o que estivera nas nosas mans para que se custodie e difunda a súa obra. A primeira actividade que organizamos foi un acto en homenaxe a Rabindranath Tagore no 160 aniversario do seu nacemento, e en lembranza do seu discípulo José Paz, o 7 de maio de 2021 no Edificio de Ferro do campus de Ourense.